بسم الله الرحمان الرحيم
اسألوني قبل ان يابوالحسن
عندي يا موﻻي بعض أﻷسئلة
الواحد بواحد إذا تضربه شيصير؟؟؟
غير واحد؟ ؟شو غلط بالمسئله؟؟؟
أنت كل واحد تضربه بذو الفقار
ينقسم نصين يطلع حاصلة!!!
وينطرح بس ينضرب ما ينجمع
شلون واحد والجمع ما يقبله؟؟؟
سيفك القانون بس محد رضاه
ﻷن أول سيف ينصف قاتله
وراسك القرآن بس محد قراه
وإنفتح بالسيف مو بالبسملة
يا فقير ومنزلك مثلك فقير
وما كو واحد أعلى منك منزله
الثقل بس ضربتك كلهن سراب
والذهب بس مذهبك كلهن طله
الله ما حطلك ملك للسيئات
ملكينك حسنات أمسجله
على جتافك ينعس ويغفه المﻼك
وأنت ساجد للصبح بالنافلة
ما تنام مخدتك تسأل عليك
وتصبح من الشوق سجادة صله
المشكلة بﻼ حل تجيهم وإنتّ ﻻ
الحل يجيك وما كو عندك مشكله
إنتّ ما ناطق حرف عن الهوى
يعني ﻻزم حجيك إحنه إنرتله
إو والله لو ميت وحي بذاك الزمان
وينقص القرآن إنتّ اتكمله
ناقشوني عالبكي وماي السبيل
وأعتذر موﻻي كالوا مهزله
راح أضم وجهي وعليك أبكي بإناء
حتى أراويهم دمعتي إمسبله
تعني قلة مرجلة دموع الرجال
بس عليكم تعني قمة مرجله
إنتّ من النور أصلك والله نور
يعني إنتّ والله تربطكم صله
ويا أمير الما ينصبونك أمير
صدقوا بهذا أﻷمر مو مخطئين
ﻷن كَالولك عليهم ماتصير
وإنتّ ياموﻻي أمير((المؤمنين))
نّصّبوا غيرك ولكن ماحجيت
ﻷن ما محتاجهه ونقسم يمين
لو كنت محتاجهه ترد الزمان
وبحياته ينّصّبك طه أﻷمين
وإنتّ رجّعت الشمس إم الحساب
يعني تكَدر يا علي إترجع السنين
مو أمير شلون جا ياهو أﻷمير
ما إلك موﻻي بالوادم قرين
وكلمن يحطونه غيرك مايصير
إنتّ أصلح لو يحطون الحُسين
وصّه بالثقلين من بعده الرسول
يعني قرآنه وعترته الطاهرين
العترة نسلك ياعلي وإنتّ الكتاب
يعني بس وحدك تعادل ثقلين
شنهي حجتهم علي وما نصبوك؟؟
جنت جاهل؟؟ ﻻ يحيدر كاذبين
إنتّ مو جاهل جنت عمرك صغير
وجانوا إهمه كبار لكن جاهلين
وإنتّ باب الكل مدن علم الرسول
وهمه صاروا من خﻼلك عالمين
وطالما باب العلم إنتّ وقصير
يعني كانوا من يجوك مدنَكَين
يا إمام إنتّ أوّلي إبّدء الكتاب
الما قروا إنك ولي شربوا حميم
إنتّ باء البسملة ولو ما قروك
تصير(سم الله الرحمنالرحيم)
الدين ما يقبل غلط والشك حرام
الدين حجي الله رب العالمين
شلون أشك بعصمتك وإنتّ الرسول
وصّفّك قران ناطق يعني دين
يعني حبل الله ويكول إعتصموا بيه
شلون مو معصوم يعصم معصمين؟؟؟
ﻻ يسيف الله غيرك ما كو سيف
حتى موتك هم ثبت للعالمين
بالصﻼة ضربوك بس ساجد بقيت
وكان راسك منشطر نصف انشطار
ومثل سيفك سيدي شويه إنحنيت
وما تميز يا هو بيكم ذوالفقار
0لتعليقات كوكل اضغط هنا
.jpg)
.gif)
.jpg)
