محاورة بالدارمي بيني وبين الاخت بسيدتي فاطمة اقتدائي

بسم الله الرحمن الرحيم 

موضوع دار بيني وبين الاخت بسيدتي فاطمة اقتدائي وكان طلب منها  ونص ماجاء بقلم الاخت

احسن الله اليك اخي

صراحه خطرت ابالي فكره مارايك نبدأ هذا الدارمي ابتداء من للرسول الى الامام المهدي ونمشي

مثلا انته تبدي هسه للرسول انا اجاوبك للرسول او اي احد من الاعضاء بعدين ننتقل الى الامام علي تكتب واجاوبك وننتقل وهكذا

طبعا يشترط بالموضوع ان يكون بداية الدرامي على نفس الحرف الاخير الذي انتهى به العضو السابق

وكان الجواب من قبلي

فكرة رائعة كروعتك

على بركة الله

نورك يشع بالكون وانته نبينه 

منك اخذنه الطيب بيك اقتدينه

بقلمي

حرف الهاء

بسيدتي فاطمة اقتدائي 


هاتف نداني وصاح يالعندج اجروح
صلي على المختار ويحيلك الروح
بقلمي
اللهم صل على محمد وال محمد
شكرا اخي موفق


حرف الحاء

لامير المؤمنين

سراج

حـــرت انه شكتب بيك يعجر كلامي
يابو الحسن بس بيك يطرب لسانــــي


الان كتبته

بسيدتي فاطمة اقتدائي

يامن للشدد ارجوه وللمحنه الي ذراع
لــــو ينباع من بالكـــون حبك ماينباع

فاطمة الزهراء

سراج

عالزهرة هذا اليوم انضم قصيدي
واوصفه بأحلى اشعار اكتبه بيدي

**********

بسيدتي فاطمة اقتدائي

يضل بيه الجمر منا اليوم الدين
رايد اشماكبرام الحسن وحسين

سراج

الامام الحسن

نلنه الشفاعة اليوم فــــزنه بمحبتك
وانته الكـرم والجـود رايـدهه جنتك

ومن اكرم من الحسن



بسيدتي فاطمة اقتدائي


كالولي عنك وجيت ارد اخذ امراد

ابداعت الزجيه كون تنحفظ بغداد

الامام الحسين

سراج

دنيانة جنة اتصير من نذكر احسين

واسمك يشع بالكــــون وتنور العين

*************

بسيدتي فاطمة اقتدائي

ناصر يريد حسين هاذ اني ناصر

انطي الكلب والعين لاهل المفاخر

سراج 

الامام زين العابدين

راية انته يالسجاد واصل العباده
وانته الفخر للدين وانته عمـــاده

*********


بسيدتي فاطمة اقتدائي

ها كلي يالسجاد حاجيني شيأذيك

ماظن جبال الكون تصبر علىالبيك

الامام العباس

سراج

كلك بطل عباس راعي الحميه
طشرهه هاي الكوم اولاد اميه

**********

بسيدتي فاطمة اقتدائي

هاي الشجاعه البيك انطـــاها ربك
لوالدك حامي الجار ومن قبله جدك

سراج

كلمة علوم الدين والباقر انتـه
ويفخر محمد بيك للدين صنته

********

بسيدتي فاطمة اقتدائي

هم حضرت عاشور هم شاهدت النار
والله لوما القضاء جـــا كتلتك الاشرار

لجعفر الصادق 

سراج

رب الجلالة اختار صادق عباده
علمهم القـران وبكـــــــل اجــاده

********

بسيدتي فاطمة اقتدائي

هو ايه من النور وابن الزجيه
لينا الفخر متسمين بالجعفريه

الامام الكاظم

سراج

هسة وبعد كل يوم ينطــق لسـاني
موسى ابن جعفرتااج وانته امامي

الان كتبته

************

بسيدتي فاطمة اقتدائي

يا من مصابك عظم او رايدلك امراد
ابد لا تظل حـاير واقصـد لاسد بغداد

الامام الرضا

سراج

دلالي حايــر بيـك بالحب ملكته
يالرضا هايم بيك بس انته جنته

الان كتبته

********

بسيدتي فاطمة اقتدائي

هساعه دمعي ساح يبجي الغربتك
كون انته يمــــي هنا واشتم تربتك

الامام الجواد

سراج


والان اقول بحق جواد الائمة

كل الكرم والجود بسمك لكينه
لزيــارة الجــــواد احنــــة اجينه 

الان كتبته

********


بسيدتي فاطمة اقتدائي


هايم انا ابمعناك يا ابوالهادي

فدوه الك انروح اني واجدادي

الامام الهادي

سراج 

يالهادي يبقى الثار يغـــلي بدمانه
ونكطـــــع الفجــروك وهــذا وفانه

*******

بسيدتي فاطمة اقتدائي

هذا انامن اغتاظ اكلبه للكــــون
لذالك من الخوف عن بعديرمون

سراج

والان اقول للعسكري امامي

نحلف يبو المهدي كلنه جنودك
نطوع احنة وياك واحنه اسـودك

*********

بسيدتي فاطمة اقتدائي

كعبه انته للعشاق ياابوالمهدي
ومن عن بعد سلام بالدمع اهدي

سراج

يالمهــدي منتظـــرين تطلــــع علينه
وتهدم عروش سعود وأطهر المدينه

وايظا اقول

يالمهدي منتظرين تطلع علــينه
انطش ورود وياس يفـرح نبينه

********

بسيدتي فاطمة اقتدائي

هانت مره نكول ومره يكتلنه الوجــــع
يمتى ويايوم اليجي ونشوف هلالك طلع

تم بحمد الله